MIGRANTE sa Taiwan Dismayado sa Pahayag ni Congressman Walden Bello

Kagyat na Itigil ang mandatory insurance!   

 

Taiwan – Mariin ang pagkundena ng Migrante Taiwan sa panawagan ni Congressman Walden Bello na hayaan munang ipatupad ang nasabing mandatory “FORCE INSURANCE” na nagkakahalagang P6,500.00 

 

Ang panawagan ay ginawa kasunod ng mga ulat na nabawasan ang demand sa mga migranteng manggagawa makaraan itong ipatupad noong Nobyembre 8.

 

Sa panayam ng media nitong Martes, sinabi ni Akbayan party-list Rep. Walden Bello, pinuno ng House committee on overseas Filipino, masyado pang maaga na ibato ang sisi sa naturang batas sa pagbaba ng demand sa mga OFW ng hanggang 52 porsiyento.

 

“It is too early to extrapolate from the trends. Let's give it a few months before jumping to conclusions," pahayag ni Bello.

 

Sinabi sa mga local recruiter, kinukuwestiyon ng mga bansa na nagkakaloob na ng insurance sa mga kinukuha nilang dayuhang manggagawa – tulad ng Hong Kong, Taiwan, at mga bansa sa Middle East, ang bagong batas para sa compulsory insurance.

 

Tiniyak naman ni Bello na kikilos sila para amyendahan ang batas kapag napatunayan na ito ang dahilan kaya nabawasan ang demand sa mga OFW.

 

“Obviously, if the insurance scheme ends up hurting our workers, we will have to repeal or modify it. But let's wait and give the trends a chance to emerge clearly," pakiusap ni Bello.

1. Brokers’ service fees – NT$1666

2. Airfare – NT$222 – 333

3. Alien Residence Certificate – NT$83

4. Medical Check-ups – NT$222

5. Income Tax – NT$950(6%) but if enter Taiwan from July 2-Dec 31 need to pay 20%

6. Placement Fee – NT$1806 – NT$2778

7. Board and Lodging Fees (for non domestic workers) – NT$5,000

These totals NT$11,844 a month if we include the medical and labor insurance fees “If you add the insurance as required by Republic Act (RA) No. 10022, this would grow to NT$12,026 a month. The minimum wage in Taiwan is NT$17,280 and the OFW is left with only NT$5,436 in monthly earnings,” Chang said

Nanawagan ang MIGRANTE Taiwan Chapter na magsagawa kayo ng mabilisang pag review sa mga bayarin na nagpapahirap sa migranteng Pilipino. Naniniwala kami na ang mandatory insurance na ito ay panibagong “pangongotong” sa aming mga migranteng Pilipino.

Inaasahan naming na bilang kongresista, dadalhin mo ang interes ng mga migranteng Pilipino at hindi ang interes ng insurance company. Alam naming na malaking halaga ang involved sa insurance na ito. Kung pagbabasehan lamang natin ang minimum na umaalis ay 3,500 migrante sa loob ng isang araw na magbayad ng P6,500.00. ito ay tumataginting na P22,750,000.00 bawat araw. 

 

Nakasaad sa batas na hindi makakakuha ng employment certificate sa Philippine Overseas Employment Administration (POEA) ang isang OFW na nilalakad ng recruiter kung wala pa itong certificate of insurance coverage.

Subalit malinaw na sa kalakaran sa atin at sa Taiwan na ang dagdag pangongotong na ito ay kami(migrante) ang syang pinagbabayad ng broker at agency sa Pinas.

Itigil ang Labor Export Program!

Itigil ang pangongotong, Itigil ang mandatory insurance!